انهاردة هشرح لكم طريقة تخزين المشروم الفريش تفريز حفظ باسهل طريقة بالصور والخطوات وهيكون فيه اجابات لكل الاستفسارات عن هل يمكن حفظ الفطر الطازج في الفريزر؟ وهل يمكن تخزين المشروم؟ وكيف انظف المشروم الطازج؟ وكمان هيكون فيه شرح تفريز المشروم بالفيديو في اخر الوصفة فتابعوا معايا.
المكونات والمقادير
- اي كمية تفضلونها من المشروم الفريش.
- انا هنا استعملت حوالي كيلو ونصف من المشروم.
- زيت فقط حوالي 3 ملاعق كبيرة.
طريقة تخزين المشروم الفريش تفريز حفظ
هنا ده شكل المشروم الفريش الطازج.
المشروم ممكن نمسحه بمنديل مطبخ او لو هنغسله بتكون غسلة سريعة بدون ما ننقعه او نغمره في الماء مجرد غسل سريع تحت ماء جاري.
هنا شكل المشروم بعد ما غسلته ونظفته كويس ونقطع الساق ونحتفظ بالرأس فقط.
نبدأ نقطع المشروم الي شرائح سميكة نسبياً بحيث لا تكون رفيعة قوي فيفضل ان تكون معتدلة في السماكة.
بيكون ده شكله بعد التقطيع.
نحضر صينية او طاسة ونضعها علي النار ونضع فيها الزيت وممكن سمنة حسب الرغبة او خليط بينهم.
ونشوح المشروم علي نار عالية.
هنلاحظ ان المشروم بيبدأ يطلع في المياه بتاعته.
نستمر في التشويح الي ان تختفى المياه ويبدأ يعمل صوص كده وكل ده بدون اضافة اي شئ اطلاقا.
بيكون ده شكله نتركه يبرد تماما ثم يقسم الي اكياس وكل كيس فيه الكمية حسب الرغبة.
ويحفظ في الفريزر لحين الاستخدام بحيث نخرجه مباشرة من الفريزر الى الوصفة مباشرة بدون ما نتركه يفك.
شرح فيديو تخزين المشروم الفريش تفريز حفظ
وده فيديو شرح طريقة تخزين المشروم الفريش تفريز وحفظ اتمنى ان ينال اعجابكم.