انهاردة هشرح ليكم اسهل طريقة عمل الجمبري بانيه و كرسبي بالصور والخطوات وكمان هيكون فيه شرح بالفيديو في اخر الوصفة فتابعوا معايا
المكونات والمقادير
- كيلو جمبرى حجم وسط منظف ومقشر.
- كوب ونصف دقيق.
- نصف كوب نشا.
- 2 معلقة كبيرة من كل مما يلى (كمون وبابريكا وثوم بودر وبصل بودر وملح).
- معلقة كبيرة مما يلي (فلفل كزبرة كركم).
- لو عاوزين سبياسي نضيف ملعقة شطة.
- ملعقة كبيرة هريسة فلفل احمر.
- ليمونة كبيرة.
- ماء حسب للحاجة.
- زيت للقلي.
طريقة عمل الجمبري بانيه و كرسبي
في 2 بولة هنقسم المقادير الدقيق والنشا والبهارات علي البولتين.
واحدة هنسيبها علي جنب بدون اي اضافة هنستعملها في القلي.
دى كدة البولة الاولى اما البولة الثانية دى.
هنبدأ نضيف ليها الماء تدريجيا ونخلط.
الي ان نحصل علي قوام تقيل نسبيا زى صوص البشاميل التقيل كده.
نعصر علي الجمبرى الليمون ومعلقة الهريسة.
ثم نخلطه مع صوص التغطية اللي عملناه.
ونترك الجمبري منقوع في الخلطة دى مش اقل من ساعة ممكن اكتر عادي.
بعد مرور ساعة نبدأ مرحلة القلي.
كدة عندنا الجمبرى في البوله الثانة والبوله الاولى فيها خلطة الدقيق مع البهارات.
نضع الزيت علي النار للقلي يكون سخن.
ونبدا باخد الجمبرى واحدة واحدة ونضعها في خلطة الدقيق ومباشرة علي الزيت وهكذا بدون ما نضغط جامد علي الغلاف الخارجي يا دوب ضغطة خفيفة فقط يتغطى بالدقيق ومباشرة علي الزيت.
بيكون دة شكله بعد التغليف والتغطية.
وهنا شايفين مرحلة القلي.
كرسبي وجميل جدا جدا.
ويقدم بالهنا.
شرح فيديو عمل الجمبري بانيه و كرسبي
وده فيديو شرح طريقة عمل الجمبري بانيه و كرسبي اتمنى ان ينال اعجابكم.