انهاردة هشرح لكم طريقة عمل شوربة مشروم كريمي الطريقة الاصلية بالصور والخطوات وكمان شرح بالفيديو لشوربة المشروم بالتفصيل كأنك في مطبخي في اخر الوصفة فتابعوا معايا الخطوات.
المكونات والمقادير
- نصف كيلو مشروم مقطع.
- بصلة كبيرة مقطعة مكعبات.
- 3 فصوص ثوم مفروم.
- نصف كوب كريمة او حليب.
- ملعقة سمنة او زبدة.
- 2 ملعقة كبيرة دقيق.
- ملعقة زيت.
- ملح وفلفل.
- لتر شوربة.
- بقدونس للتزين.
طريقة عمل شوربة مشروم كريمي
في حلة علي النار نضع السمنة والزيت ونشوح البصل والثوم.
ثم نضيف الدقيق ونشوح الي ان ياخذ لون ذهبي والدقيق هنا بيدي سماكة وتقل للشوربة.
ثم ننزل بالمشروم والملح والفلفل ونشوح.
الي ان ياخذ لون بني فاتح وينزل كل المياه اللي فيه بالشكل ده.
انا هنا مستخدمة مشروم فريش طازة والمشروم بيتمسح بمنديل فقط او بنغسله غسلة سريعة جدا بدون غمرة في الماء.
نضيف الشوربة حسب الرغبة شوربة دجاج او لحم او لو مش متوفر ممكن ماء ومذوب فيه مكعبين مرقة دجاج.
نتركه يستوي حوالي ربع ساعة ثم ناخد منه كوب ونضربه بالهاند بلندر.
ثم نضيفه مرة تانية للشوربة بيخلي طعم الشوربة كلها مشروم وبيدها تقل جميل جدا.
ثم نزود الكريمة السايلة او حليب حسب المتوفر ونتركه ياخد غلوة وتقدم بالهنا.
ملاحظين سماكة وتقل الشوربة هتكون اوضح في الفيديو.
وطعمها رائع جدا وده الطعم الاصلي لشوربة المشروم ونزينها بالبقدونس المفروم.
وده فيديو شرح شوربة المشروم الكريمي وضحت فيه كل التفاصيل جربوها وهتحوز على اعجباكم.