انهاردة هشرح لكم طريقة عمل أرز بلبن بالآيس كريم زي اشهر المحلات بالضبط واحلى والشرح كامل بالصور والخطوات وكمان شرح كامل لطريقة العمل بالفيديو كأنك فى مطبخى فتابعوا معايا.
ودلوقتى هعمل لكم طريقة الرز بلبن الاساسية كريمي جدا وغني في الطعم هنعمل القاعدة دي وبعدين هنقدمه بالايس كريم والموز والكراميل زي اشهر المحلات زي المالكي مثلا.
انا هنا عملت في الفيديو ضعف المقدار المكتوب.
المكونات والمقادير
- نصف كوب أرز مصري.
- لتر حليب كامل الدسم.
- كوب كريمة سائلة.
- 1 معلقة كبيرة نشا.
- 1 معلقة كبيرة كريم شانتي.
- علي طرف المعلقة فانيليا لو خام لو عادية يبقي باكيت.
- سكر حسب التحلية ممكن ربع كوب.
مكونات تقديم الأرز بلبن
- ايس كريم.
- صوص كراميل.
- موز شرائح.
طريقة عمل أرز بلبن بالآيس كريم
نضع الأرز في حلة علي النار وطبعا يكون مغسول ونغمرة بالماء، ونتركه يستوي ويتقل.
الي ان يصبح بالشكل ده.
نضيف كمية الحليب كلها والسكر حسب الرغبة ونقلب ثم نتركه كمان نصف ساعة يغلي مع الحليب والسكر بالشكل ده.
ثم نجمع باقي المقادير وهي الكريمة السائلة او ممكن استبدالها بالحليب العادي مع بودر الكريم شانتي مع النشا والفانيليا علي البارد ونقلبهم.
ونضيف الخليط علي الأرز بلبن مع التقليب المستمر الي ان يتقل قوامه.
بالشكل ده ويكون كريمي وسط لا تقيل ولا خفيف. نسكب الرز بلبن في اطباق التقديم وتوضع في الثلاجة.
وعند التقديم انا ضفت عليه شرائح موز وبولة ايس كريم وصوص كراميل.
وسبق وعملت لكم الايس كريم في فيديو سابق هنا وشرحت طريقة ايس كريم المحلات بالصور والخطوات هنا. وممكن يضاف مكسرات وزبيب حسب الرغبة.
شرح فيديو عمل الأرز بلبن بالآيس كريم
وده فيديو شرح طريقة عمل الأرز بلبن بالآيس كريم اتمنى ان ينال اعجابكم.