انهاردة هشرح لكم طريقة عمل الحلبة المنبتة او المزرعة او النابتة بالصور والخطوات وطريقة تنبيت الحلبة سهلة جدا وهتعجبكم ومتنسوش سايبة ليكم شرح بالفيديو في اخر الوصفة كأنك في مطبخي فتابعوا معايا.
المكونات والادوات
وهتكون مفتوحة حسب الرغبة وهنحتاج الي:
- نصف كيلو حلبة حصى.
- فوطة مطبخ.
- علب بلاستيك.
طريقة عمل الحلبة المنبتة
تغسل الحلبة وتنقع في ماء غزير لمدة ليلة كاملة.
ثم تصفي من ماء النقع وتوزع في العلب البلاستيك او مصفي سلك.
والعلب البلاستيك نعمل فيها ثقب في الاسفل حتي يتم التخلص من الماء الزائد.
هنا حطيت كمية من الحلبة في المصفاة.
ثم نحضر فوطة المطبخ وتغمر في الماء وتعصر وتوضع علي وش الطبق.
وباقي الكمية وزعتها علي الاكواب البلاستيك بمقدار نصف الكوب فقط.
بالشكل ده.
نغطي السطح بمناديل المطبخ ثم تبلل بالماء.
تترك علي الرخامة في المطبخ وكل ما نلاقي المنديل او الفوطة نشفت نرش عليها مياه مرة اخري.
وهكذا لمدة 3 ايام كل يوم هنلاقيها ابتدت تزرع وحجمها بيتضاعف بالشكل ده.
وتقدم بالهنا
ده شكلها بعد مرور ال 3 ايام كلها زرعت وبقت تحفة
مفيش اسهل من كده
وتقدم كنوع من التسالي مع الترمس والبليلة وسبق ونزلت طريقتهم هنا في الموقع والقناة من هنا.
شرح فيديو عمل الحلبة المنبتة او المزرعة النابتة
وده فيديو شرح طريقة عمل الحلبة المنبتة او المزرعة النابتة اتمنى ان ينال اعجابكم.